لبسك سماوي

لبسك سماوي وموقعك فوق عالي.. مثل الثريا يا العزيزة عليه
لون السما اصفى واسمك خيالي ** فيه التوازن ثار فيني حمية
جمعتي كل المجد يا ذوق حالي ** خلي لغيرك لو سمحتي شوية
لما فتحت الصفحة شفت الجمالي ** والفكر والابداع حل القضية
مع جمال الوجه سكر زلالي ** ** الله منحها فوق كل البرية
تجي رسالة منك فيها اماني ** وفيها سعادة واعتبرها هدية
مرة تجاوب وبعض مرات اعاني ** من بطء رد الزينة قبل المنية
لكن ابصبر رغم شوقي وحناني ** لأجل المودة تدوم والناس حية
هذا جوابي دون ما اعرف سؤالي ** عساك تبقي في حياتي عطية