شيطان شعري

شيطان شعري تخلى عني الليلة **
وقال روح لبيتك وانسى اشعاري ,,
شكلك مع الحزن والمهموم يا حليله ،،
ما ينفع الشعر والاوزان يا جاري **
ابغى مزاجك يروق ونوزن الشيلة **
ونقول ياناس : تايقر حامل أسراري ***
رديت قلت ابتعد  خلك على الميلة **
ما همني رحت ولاجيت لو داري**
انا اكتب الشعر باوزانه وتأصيله **
وانا الذي تعجب  الاصحاب افكاري **
وانا الذي يفتخر ربعي بتحليله **
كل المحافل تغني وتنشد اوتاري ***
يغوص في عين محبوبه وتسبيله **
ويعشق الزين لو شافه على الطاري **
بيوصف النهد لو يهتز في ليلة **
يتصوره لابس الاسمال او عاري **
واذا نزل للمعارك تايقر بخيله **
تلقاه سيد الوغى والغير محتاري**
إذهب وحرفي انا يا صاح اشكي له **
مطاوعي في يدي ما همه الساري**
ماهمني من نوى قيدي وتكبيله **
لان تايقر سليل المجد وأحراري **