ناقدة

تايقرية ( ناقدة ):

تنتقد و بتعتقد اني تجاوزت ** في سطور اشعار خلدها زماني
قالت : اني احب شعرك وتعلقت ** بس فيه اشعار تتركني اعاني
يا نزار العصر انت اللي تملكت ** كل صورة شعر مرسومة معاني
لو تخفف وصفك مواقع تخفت ** في جسدنا او حديثك للغواني
اقرأ اشعارك ولكني تخجلت **من بناتي يخجلوا وزادوا بجناني
قلت لحظة اسمعي وانا توقعت ** مثل قولك يا جميلة بقلب حاني
انا شاعر مر في دنيا تخلت ** مرة في اشواق واخرى صرت جاني
اكتب اشعاري بحبر القلب واسكت ** لايهم اللي سمعني او نهاني
اصور الصورة اذا معشوقتي بنت ** كل مافيها بصدقي اللي يراني
ليه يا اختي اذا شاهدت او شفت ** الجمال اللي امامي لا اعاني ؟
انا احساسي اعبر حتى لو جرت ** ذاك جوري ياحياتي قد كواني
اعذري لكن ترى الاعذار تنحت ** فوق صدري في شفاهي في ثواني
واعلمي اني سابقى مثل ما كنت ** كل ما شاهدته للقطف داني
واعرفي فعلي ترينه غير ما قلت *** اخاف ربي واعرف ان الجسم فاني