صغنونات

يا جرح صاب القلب من فرقة أحباب **راحوا وخلوني اسامر علومي **
مرة اقول اليوم بنشوفه عالباب ** وأخرى اناظر جسم ناحل سهومي **
الله يردك والجفا دونه اسباب ** **تزول مع لقياك وانسى همومي

صغنونة 2

الحلم احيانا يسبب لنا هم ** فيه الروئ واضغاث احلام تزعج **
نحلم بحب وونحلم اشواق و بغم ** ونشوف مليارات للفقر تفرج ،،،
وفيها و فيها نشوة للجسم والفم ** لكن بنصحى لوحدنا مثل الاعرج

صغنونة 3

لاتعتذر يا زين عن كل ما صار ** هذا مزاجات البشر وكلها اسرار ** اذواق من واحد لواحد مع افكار ** فيها حلو والمر غطى عليها

صغنونة4

يا قلب صافي وسطك ألماس مخفي ** لو يوزنونك مالك اثمان تكفي *** عسى تشوف اللي يداوي ويشفي **ويزيل ربي عنك هم و بلية

صغنونة 5

الحب في قلب المحبين منقوش ** مثل التحف في العرض خافوا عليها **
والود يبقى داخل القلب مرشوش*** عطر الورود وسحرها منها فيها

صغنونة6

يا نوم وش قصتك هاليوم *** وانته تجافي لاجفاني
عيني سهرها غدا معلوم*** ومن فراقك انا اعاني
جسمي تعب بين قعدة وقوم ** ارهقت والفكر ادماني
عسى ترد راحتي وحلوم ** واشبع بلقياك يا حاني

4